माझ्या आईकडून मला X गुणसूत्र आले तर वडिलांकडून (त्यांच्याकडे एकमेव असलेले) Y गुणसूत्र आले. वडिलांना त्यांच्या वडिलांकडून आले. म्हणजेच माझ्या काका आणि चुलत भावांकडेकडे हेच Y गुणसूत्र असणार. माझ्या चुलत चुलत भावांकडे या न्यायाने हेच Y गुणसूत्र असायला हवे. म्हणजेच आमच्या 'कारखानीस' घराण्यात हेच Y गुणसूत्र असणार.
स्त्रियांच्या बाबतीत असे निश्चित सांगता येत नाही. तिच्याकडे तिच्या आईकडून आलेले (आईकडे असलेल्या दोनपैकी) एक X आणि वडिलांकडून आलेले (एकाच असलेले) एक X गुणसूत्र असेल. म्हणजेच तिच्यात आणि तिच्या बहिणींमध्ये वडिलांकडून आलेले X गुणसूत्र सारखेच असेल. तिच्या वडिलांना हे गुणसूत्र त्यांच्या आईकडूनच आलेले असेल. पण त्यांच्या सख्ख्या भावाला त्यांच्या आईकडून हेच गुणसूत्र मिळाले असेल याची शाश्वती देता येत नाही. (वडिलांच्या आईकडे X गुणसुत्रांची जोडी आहे)
याच कारणाने 'घराणे' या कल्पनेचा उगम झाला असेल काय? म्हणूनच मुलाने वडिलांचे आडनाव लावणे ही शास्त्रशुद्ध पद्धत मानावी काय?
No comments:
Post a Comment